Colabora
La Llei de Montes y Ordenación Forestal d'Asturies, nel so artículu 2, marca como principios “protexer, conservar y aumentar los montes en cuanto a referencia biolóxica y cultural, favoreciendo y curiando pola fauna y la flora, amás d'ameyorar l'usu recreativu, deportivu y didácticu d'estos terrenos, afalando, na comunidá, la importancia de los sos valores ecolóxicos, culturales y económicos al traviés de l'acción educativa y les campañes d'orientación y divulgación, fomentando'l conocimientu y respetu al árbol”.
Con esti envís, la Conseyería de Mediu Rural y Pesca, al traviés de la Dirección Xeneral de Política Forestal, pon en marcha actividaes educatives, divulgatives y de sensibilización forestal dirixíes tanto a los integrantes del sistema educativu como al restu la sociedá asturiana.
Ente eses actividaes ta la publicación d'esti Manual sobre “Cómo plantar un árbol”, nel que, pa 15 especies autóctones y comunes n'Asturies, ufre dibuxos xenerales y de detalle, instrucciones concretes pa plantalos y una descripción cenciella de les sos principales característiques, hábitat y usos.
Esperamos que'l Manual “Cómo plantar un árbol”, que güei ponemos a la so disposición, seya prestosu y útil pa los y les llectores y que, ente toos, podamos conservar y consiguir que'l patrimoniu forestal y natural d'Asturies presente, cada vez, más riqueza y variedá.
About the author